اپنے بعد حقیقت یا افسانہ چھوڑا تھا

اپنے بعد حقیقت یا افسانہ چھوڑا تھا

پھول کھلے تھے میں نے جب ویرانہ چھوڑا تھا

سانس گھٹی جاتی تھی کیسا حبس کا عالم تھا

یاد ہے جس دن سبزے نے لہرانا چھوڑا تھا

آنسو گرے تو خاک بدن سے خوشبو پھوٹی تھی

مینہ برسا تو موسم نے گرمانا چھوڑا تھا

میرے علاوہ کس کو خبر ہے لیکن میں چپ ہوں

ساحل سے کیوں موجوں نے ٹکرانا چھوڑا تھا

میں پہلے بے باک ہوا تھا جوش محبت میں

میری طرح پھر اس نے بھی شرمانا چھوڑا تھا

apne baad haqiqat ya afsana chhora tha

phul khule the main ne jab wirana chhora tha

sans ghati jati thi kaisa habs ka alam tha

yad hai jis din sabze ne lahrana chhora tha

ansu gire to khak badan se khushbu phuti thi

menh barsa to mausam ne garmana chhora tha

mere alawa kis ko khabar hai lekin main chup hun

sahil se kyun maujon ne takrana chhora tha

main pahle be bak hua tha josh-e-mohabbat mein

meri tarah phir us ne bhi sharmana chhora tha