حیرت مآب ہوں کہ یہ کیا دیکھتا ہوں میں

حیرت مآب ہوں کہ یہ کیا دیکھتا ہوں میں

اے صاحب جمال ترا آئنہ ہوں میں

رنگ طلسم عالم تصویر ہے حیات

اور اس نگار خانے میں گم ہو چکا ہوں میں

آنکھوں میں اک چراغ تمنا لیے ہوئے

تاریکیوں کے شہر میں کیا ڈھونڈھتا ہوں میں

آتش مزاج تھا وہ سو اب خاک ہو چکا

میں خاکسار تھا سو نمو پا رہا ہوں میں

فکر رسا میں عمر مری صرف ہو گئی

اب سوچنے لگا ہوں بہت سوچتا ہوں میں

hairat mab hun ke ye kya dekhta hun main

ai sahab-e-jamal tira aina hun main

rang-e-tilism-e-alam-e-taswir hai hayat

aur is nigar khane mein gum ho chuka hun main

ankhon mein ik charagh-e-tamanna liye hue

tarikiyon ke shahr mein kya dhundhta hun main

atish mizaj tha wo so ab khak ho chuka

main khaksar tha so numu pa raha hun main

fikr-e-rasa mein umr miri sirf ho gai

ab sochne laga hun bahut sochta hun main