آسماں آتش ظلمات میں جل جائے تو

آسماں آتش ظلمات میں جل جائے تو

خندۂ صبح کی تصویر بدل جائے تو

اب تو آرام قیامت پہ ہوا ہے موقوف

اور یہ آخری امید بھی ٹل جائے تو

عکس آئینے میں اور عکس میں روپ اس کا ہے

کبھی یہ آئنہ آنکھوں سے بدل جائے تو

یہ جو دم سادھ کے بیٹھے ہیں اسے دیکھنے کو

پتھروں کی بھی کہیں آہ نکل جائے تو

ہم سے آوارۂ غربت سے محبت نہ کرو

کیا ہو جو ریت یہ مٹھی سے نکل جائے تو

asman atish-e-zulmat mein jal jae to

khanda-e-subh ki taswir badal jae to

ab to aram qayamat pe hua hai mauquf

aur ye akhiri ummid bhi tal jae to

aks aine mein aur aks mein rup us ka hai

kabhi ye aina ankhon se badal jae to

ye jo dam sadh ke baithe hain use dekhne ko

pattharon ki bhi kahin ah nikal jae to

ham se awara-e-ghurbat se mohabbat na karo

kya ho jo ret ye mutthi se nikal jae to