منزل تھی اک طرف تو سفر دوسری طرف

منزل تھی اک طرف تو سفر دوسری طرف

اک سمت پیر اٹھے تھے نظر دوسری طرف

اک سمت کھینچتی ہے مری زندگی مجھے

لے جاتا ہے جنون مگر دوسری طرف

آوارگی کا لطف تو بے مائیگی میں ہے

چھوڑ آیا ہوں میں رخت سفر دوسری طرف

یہ عہد نا مراد بھی کیا شے ہے میری جاں

دل ایک طرف ہے تو نظر دوسری طرف

manzil thi ik taraf to safar dusri taraf

ik samt pir uthe the nazar dusri taraf

ik samt khinchti hai miri zindagi mujhe

le jata hai junun magar dusri taraf

awargi ka lutf to be maigi mein hai

chhor aya hun main rakht-e-safar dusri taraf

ye ahd-e-na murad bhi kya shai hai meri jan

dil ek taraf hai to nazar dusri taraf