کوئی سرمایہ کب رہا محفوظ

کوئی سرمایہ کب رہا محفوظ

اک فقیری کا راستہ محفوظ

گوشۂ دل ہے عالم حیرت

بڑا معمور ہے بڑا محفوظ

دشت پھر کیوں نہیں رہے آباد

ابر آزاد ہے ہوا محفوظ

کشمکش میں ہے طائر فردوس

زمیں آباد اور خلا محفوظ

جو ہوا کی پناہ میں آئے

وہی رہ جائے گا دیا محفوظ

koi sarmaya kab raha mahfuz

ik faqiri ka rasta mahfuz

gosha-e-dil hai alam-e-hairat

bara maamur hai bara mahfuz

dasht phir kyun nahin rahe abad

abr-e-azad hai hawa mahfuz

kashmakash mein hai tair-e-firdaus

zamin abad aur khala mahfuz

jo hawa ki panah mein ae

wahi rah jaega diya mahfuz