فلک پہ چاند ستارے کچھ اور کہتے ہیں

فلک پہ چاند ستارے کچھ اور کہتے ہیں

مگر زمیں کے نظارے کچھ اور کہتے ہیں

تری حبیب ادائیں کچھ اور کہتی ہیں

عدو کو تیرے اشارے کچھ اور کہتے ہیں

ادھر عروج پہ پہنچی ہے گرمئ بازار

ادھر ہمارے خسارے کچھ اور کہتے ہیں

جہاں پہ تم نے محبت سے ہاتھ رکھا تھا

وہیں پہ زخم ہمارے کچھ اور کہتے ہیں

وہ کہہ رہے ہیں کہ دونوں طرف ہے خوشحالی

ندی کے دونوں کنارے کچھ اور کہتے ہیں

falak pe chand sitare kuchh aur kahte hain

magar zamin ke nazare kuchh aur kahte hain

tiri habib adaen kuchh aur kahti hain

adu ko tere ishare kuchh aur kahte hain

idhar uruj pe pahunchi hai garmi-e-bazar

idhar hamare khasare kuchh aur kahte hain

jahan pe tum ne mohabbat se hath rakha tha

wahin pe zakhm hamare kuchh aur kahte hain

wo kah rahe hain ke donon taraf hai khushhali

nadi ke donon kinare kuchh aur kahte hain