اسیران حوادث کی گراں جانی نہیں جاتی

اسیران حوادث کی گراں جانی نہیں جاتی

جہاں سے خون انسانی کی ارزانی نہیں جاتی

دروغ مصلحت کے دیکھ کر آثار چہروں پر

حقیقت آشنا آنکھوں کی حیرانی نہیں جاتی

نشان خسروی تو مٹ گئے ہیں لوح عالم سے

کلاہ خسروی سے بوئے سلطانی نہیں جاتی

اندھیرا اس قدر ہے شہر پر چھایا سیاست کا

کسی بھی شخص کی اب شکل پہچانی نہیں جاتی

زمانہ کربلا کا نام سن کر کانپ اٹھتا ہے

ابھی تک خون شبیری کی جولانی نہیں جاتی

فزوں تر اور ہوتے جا رہے ہیں چاک دامن کے

رفو گر سے ہماری چاک دامانی نہیں جاتی

یہ مانا روشنی کو پی گئی ظلمت جہالت کی

مگر اس ذرۂ خاکی کی تابانی نہیں جاتی

asiran-e-hawadis ki giran jani nahin jati

jahan se khun-e-insani ki arzani nahin jati

darogh-e-maslahat ke dekh kar asar chehron par

haqiqat ashna ankhon ki hairani nahin jati

nishan-e-khusrawi to mit gae hain lauh-e-alam se

kulah-e-khusrawi se bu-e-sultani nahin jati

andhera is qadar hai shahr par chhaya siyasat ka

kisi bhi shakhs ki ab shakl pahchani nahin jati

zamana karbala ka nam sun kar kanp uthta hai

abhi tak khun shabbiri ki jaulani nahin jati

fuzun tar aur hote ja rahe hain chak-e-daman ke

rafu gar se hamari chak damani nahin jati

ye mana raushni ko pi gai zulmat jahalat ki

magar is zarra-e-khaki ki tabani nahin jati