کسی بھی خانماں برباد سے نہیں ہوگا

کسی بھی خانماں برباد سے نہیں ہوگا

ہمارا عشق تو فرہاد سے نہیں ہوگا

تمہاری داد یا بے داد سے نہیں ہوگا

ہمارا شعر ہے امداد سے نہیں ہوگا

یہ لفظیات یہ بندش یہ فکر فرسائی

یہ کام وہ ہے جو نقاد سے نہیں ہوگا

یوں کھینچتا ہوں غزل میں ترے بدن کے خطوط

یہ جان من کسی بہزاد سے نہیں ہوگا

اگر ہوا بھی رہائی کا گر کوئی امکان

حضور منت و فریاد سے نہیں ہوگا

kisi bhi khanuman barbad se nahin hoga

hamara ishq to farhad se nahin hoga

tumhari dad ya be dad se nahin hoga

hamara sher hai imdad se nahin hoga

ye lafziyat ye bandish ye fikr farsai

ye kam wo hai jo naqqad se nahin hoga

yun khinchta hun ghazal mein tire badan ke khutut

ye jan-e-man kisi behzad se nahin hoga

agar hua bhi rihai ka gar koi imkan

huzur minnat-o-fariyad se nahin hoga