رنگ صحبت اڑا جبینوں سے

رنگ صحبت اڑا جبینوں سے

جب مراسم ہوئے مشینوں سے

کون اٹھاتا ہے اب پرائے غم

لوگ ڈرتے ہیں آستینوں سے

دشمنی اپنی خاندانی تھی

دوستی تھی مگر کمینوں سے

خاتم الصادقین ہیں ہم لوگ

سو نکالے گئے زمینوں سے

ہم نے آوارگی میں سیکھ لیا

بچ کے رہنا ہے رہ نشینوں سے

rang-e-sohbat ura jabinon se

jab marasim hue mashinon se

kaun uthata hai ab parae gham

log darte hain astinon se

dushmani apni khandani thi

dosti thi magar kaminon se

khatam alsadiqin hain ham log

so nikale gae zaminon se

ham ne awargi mein sikh liya

bach ke rahna hai rah nashinon se