شمع امید جلاتے ہوئے مر جائیں گے

شمع امید جلاتے ہوئے مر جائیں گے

دشت ظلمات بساتے ہوئے مر جائیں گے

ہم پہ الزام پہ الزام لگائیں گے لوگ

اور ہم زخم دکھاتے ہوئے مر جائیں گے

شہر در شہر ہے اک شعلہ نوائی کا چلن

لوگ یہ آگ بجھاتے ہوئے مر جائیں گے

آتش آمیز ہے دریاؤں میں پانی کا مزاج

آب کش پیاس بجھاتے ہوئے مر جائیں گے

sham-e-ummid jalate hue mar jaenge

dasht-e-zulmat basate hue mar jaenge

ham pe ilzam pe ilzam lagaenge log

aur ham zakhm dikhate hue mar jaenge

shahr dar shahr hai ik shola nawai ka chalan

log ye ag bujhate hue mar jaenge

atish amez hai dariyaon mein pani ka mizaj

ab kash pyas bujhate hue mar jaenge