یہ مجھ میں جو بے انتہا تنہائی ہے

یہ مجھ میں جو بے انتہا تنہائی ہے

اس دشت کی آب و ہوا تنہائی ہے

میں درد کے نغمے سناؤں گا تمہیں

تم جان لینا مدعا تنہائی ہے

مجھ تک پہنچنے کو ہے اک راہ عمل

اور جان لو وہ راستہ تنہائی ہے

جو بھیڑ میں چہرے کہیں گم ہو گئے

ان سے مرا اب رابطہ تنہائی ہے

میں اس مقام ذات تک لایا گیا

ہر ابتدا ہر انتہا تنہائی ہے

جس کو یہاں پر کامیابی مل گئی

اس کی سزا تنہائی یا تنہائی ہے

ye mujh mein jo be intiha tanhai hai

is dasht ki ab-o-hawa tanhai hai

main dard ke naghme sunaunga tumhen

tum jan lena muddaa tanhai hai

mujh tak pahunchne ko hai ik rah-e-amal

aur jan lo wo rasta tanhai hai

jo bhir mein chehre kahin gum ho gae

un se mira ab rabta tanhai hai

main us maqam-e-zat tak laya gaya

har ibtida har intiha tanhai hai

jis ko yahan par kamyabi mil gai

us ki saza tanhai ya tanhai hai