سمندر کا تماشہ کر رہا ہوں

سمندر کا تماشہ کر رہا ہوں

میں ساحل بن کے پیاسا مر رہا ہوں

اگرچہ دل میں صحرائے تپش ہے

مگر میں ڈوبنے سے ڈر رہا ہوں

میں اپنے گھر کی ہر شے کو جلا کر

شبستانوں کو روشن کر رہا ہوں

وہی لائے مجھے دار و رسن پر

میں جن لوگوں کا پیغمبر رہا ہوں

وہی پتھر لگا ہے میرے سر پر

ازل سے جس کو سجدے کر رہا ہوں

تراشے شہر میں نے بخشؔ کیا کیا

مگر خود تا ابد بے گھر رہا ہوں

samundar ka tamasha kar raha hun

main sahil ban ke pyasa mar raha hun

agarche dil mein sahra-e-tapish hai

magar main dubne se dar raha hun

main apne ghar ki har shai ko jala kar

shabistanon ko raushan kar raha hun

wahi lae mujhe dar-o-rasan par

main jin logon ka paighambar raha hun

wahi patthar laga hai mere sar par

azal se jis ko sajde kar raha hun

tarashe shahr main ne bakhsh kya kya

magar khud ta abad be ghar raha hun