درد کے سامنے دولت نہیں دیکھی جاتی

درد کے سامنے دولت نہیں دیکھی جاتی

جنگ میں صرف غنیمت نہیں دیکھی جاتی

سر میں سودا ہو تو فرصت نہیں دیکھی جاتی

دل کے کاموں میں سہولت نہیں دیکھی جاتی

نقد جاں بیچ دی ہم نے ترے وعدے کے عوض

مال اچھا ہو تو قیمت نہیں دیکھی جاتی

سوچنا مت کبھی انجام سر راہ طلب

دامن تیغ پہ قسمت نہیں دیکھی جاتی

ہم سے چپ رہنے کی بالفرض خطا ہو بھی جائے

دامن حرف پہ تہمت نہیں دیکھی جاتی

dard ke samne daulat nahin dekhi jati

jang mein sirf ghanimat nahin dekhi jati

sar mein sauda ho to fursat nahin dekhi jati

dil ke kamon mein suhulat nahin dekhi jati

naqd-e-jan bech di ham ne tire waade ke ewaz

mal achchha ho to qimat nahin dekhi jati

sochna mat kabhi anjam sar-e-rah-e-talab

daman-e-tegh pe qismat nahin dekhi jati

ham se chup rahne ki bilfarz khata ho bhi jae

daman-e-harf pe tohmat nahin dekhi jati