جو کچھ مجھ سے کمایا جا رہا ہے

جو کچھ مجھ سے کمایا جا رہا ہے

محض گھر کا کرایہ جا رہا ہے

ثبوتوں کو مٹایا جا رہا ہے

یوں سچ کا قد گھٹایا جا رہا ہے

وہ پتھر سے زیادہ کچھ نہیں ہے

تو پھر سر کیوں جھکایا جا رہا ہے

نہیں نیت مدد کی ہاتھ پھر بھی

بڑھانے کو بڑھایا جا رہا ہے

حقیقت ہم سے ہے منہ پھیر بیٹھی

سو خوابوں کو جگایا جا رہا ہے

الگ میں بھیڑ سے چلنے لگی ہوں

مجھے پاگل بتایا جا رہا ہے

jo kuchh mujh se kamaya ja raha hai

mahz ghar ka kiraya ja raha hai

subuton ko mitaya ja raha hai

yun sach ka qad ghataya ja raha hai

wo patthar se ziyada kuchh nahin hai

to phir sar kyun jhukaya ja raha hai

nahin niyyat madad ki hath phir bhi

barhane ko barhaya ja raha hai

haqiqat ham se hai munh pher baithi

so khwabon ko jagaya ja raha hai

alag mein bhir se chalne lagi hun

mujhe pagal bataya ja raha hai