فقط اس بات پہ دل رو گیا ہے

فقط اس بات پہ دل رو گیا ہے

جو میرا تھا نہیں وہ کھو گیا ہے

ہوئی حیرت مجھے اس بات کی وہ

مری بانہوں میں کیسے سو گیا ہے

میں اب اس کو جگاؤں بھی تو کیسے

جو مجھ سے لڑ جھگڑ کے سو گیا ہے

وہ اپنی زندگی کے پاپ سارے

سمجھ کے مجھ کو گنگا دھو گیا ہے

اب اس میں پھل لگیں گے نفرتوں کے

وہ مجھ میں بیج ایسا بو گیا ہے

faqat is bat pe dil ro gaya hai

jo mera tha nahin wo kho gaya hai

hui hairat mujhe is bat ki wo

miri banhon mein kaise so gaya hai

main ab us ko jagaun bhi to kaise

jo mujh se lar jhagar ke so gaya hai

wo apni zindagi ke pap sare

samajh ke mujh ko ganga dho gaya hai

ab is mein phal lagenge nafraton ke

wo mujh mein bij aisa bu gaya hai