تھک گئے سب کہتے دیوانہ ہمیں

تھک گئے سب کہتے دیوانہ ہمیں

آپ نے ہی دیر سے جانا ہمیں

بات چبھتی ہے اسے تھوڑی مگر

ایسے ہی آتا ہے سمجھانا ہمیں

اس نے ہونٹوں سے پلائی دیر تک

آ گیا ہے راس مے خانہ ہمیں

بعد مدت کے ملا وہ دل مکیں

ہائے پوچھے ہے کہ پہچانا ہمیں

thak gae sab kahte diwana hamen

ap ne hi der se jana hamen

bat chubhti hai use thori magar

aise hi ata hai samjhana hamen

us ne honton se pilai der tak

a gaya hai ras mai khana hamen

baad muddat ke mila wo dil makin

hae puchhe hai ke pahchana hamen