ہمیں جیسے بنا پتوار دریا پار کرتے ہیں

ہمیں جیسے بنا پتوار دریا پار کرتے ہیں

وہ کیا موجوں سے ٹکرائیں گے جو پانی سے ڈرتے ہیں

انہیں کو اے وطن کیوں حاشیے پہ رکھا جاتا ہے

تری صورت میں جو خون جگر سے رنگ بھرتے ہیں

اگر زندہ ہی رہنا ہے تو رہئے اپنی شرطوں پر

کہ خودداری سے خالی لوگ سو سو بار مرتے ہیں

غنیمت ہے بچا رکھا ہے ہم نے رنگ و خوشبو کو

کہ ہم وہ پھول ہیں جو روز شعلوں سے گزرتے ہیں

بشرؔ سچ بولنے والوں کو کوئی کیا ڈرائے گا

جو ڈرتے ہیں خدا سے وہ کہاں دنیا سے ڈرتے ہیں

hamen jaise bana patwar dariya par karte hain

wo kya maujon se takraenge jo pani se darte hain

unhen ko ai watan kyun hashiye pe rakha jata hai

tiri surat mein jo khun-e-jigar se rang bharte hain

agar zinda hi rahna hai to rahiye apni sharton par

ke khuddari se khali log sau sau bar marte hain

ghanimat hai bacha rakha hai ham ne rang-o-khushbu ko

ke ham wo phul hain jo roz sholon se guzarte hain

bashar sach bolne walon ko koi kya daraega

jo darte hain khuda se wo kahan duniya se darte hain