اے سر پھری ہوا تجھے اس کی خبر بھی ہے

اے سر پھری ہوا تجھے اس کی خبر بھی ہے

تو جس طرف چلی ہے ادھر میرا گھر بھی ہے

دستار مجھ سے مانگنے والے نظر اٹھا

دستار ہی نہیں مرے شانے پہ سر بھی ہے

ظاہر میں ٹھیک ٹھاک ہے ہر ایک آدمی

انداز گفتگو میں بکھرنے کا ڈر بھی ہے

تیری ہی خوشبوؤں سے مہکتی ہے رہ گزر

تیری طرف سفر بھی تو ہی ہم سفر بھی ہے

دنیا تری عجیب ہے میرے خدا جہاں

جینے کی آرزو بھی ہے مرنے کا ڈر بھی ہے

اللہ سے بشرؔ نہیں چھپتا کسی کا حال

کیا ہے ہمارے دل میں اسے یہ خبر بھی ہے

ai sar phiri hua tujhe us ki khabar bhi hai

tu jis taraf chali hai idhar mera ghar bhi hai

dastar mujh se mangne wale nazar utha

dastar hi nahin mire shane pe sar bhi hai

zahir mein thik thak hai har ek admi

andaz-e-guftugu mein bikharne ka dar bhi hai

teri hi khushbuon se mahakti hai rah guzar

teri taraf safar bhi tu hi ham safar bhi hai

duniya tiri ajib hai mere khuda jahan

jine ki arzu bhi hai marne ka dar bhi hai

allah se bashar nahin chhupta kisi ka hal

kya hai hamare dil mein use ye khabar bhi hai