میں اندھیرا ایک شب کا ترا شمع سا زمانہ

میں اندھیرا ایک شب کا ترا شمع سا زمانہ

بھلا کیسے ہوگا ممکن کوئی مل کے گھر بسانا

ابھی آگ سے لپٹنے کا ہنر ہے مجھ میں زندہ

ابھی گردش زمانہ مرے سامنے نہ آنا

جہاں بے ضمیر اندھیروں نے کیا ہے خیر مقدم

اسی راہ پر چراغوں کو جلا کے چھوڑ جانا

مرا دل ہے مضطرب سا ترا دل ہے مطمئن سا

نہ ترا یہاں ٹھکانا نہ مرا یہاں ٹھکانا

میں سفر پہ لوٹ جانے کا ارادہ جب کروں ہوں

کوئی اے بشرؔ کہے ہے مرے شہر سے نہ جانا

main andhera ek shab ka tira shama sa zamana

bhala kaise hoga mumkin koi mil ke ghar basana

abhi ag se lipatne ka hunar hai mujh mein zinda

abhi gardish-e-zamana mire samne na ana

jahan be zamir andheron ne kiya hai khair maqdam

isi rah par charaghon ko jala ke chhor jana

mira dil hai muztarib sa tira dil hai mutmain sa

na tira yahan thikana na mira yahan thikana

main safar pe laut jane ka irada jab karun hun

koi ai bashar kahe hai mire shahr se na jana