کون دل کا درد پہچانے کسے آواز دیں

کون دل کا درد پہچانے کسے آواز دیں

سوچتے رہتے ہیں دیوانے کسے آواز دیں

اک طرف اندھوں کی بستی اک طرف پتھر کے لوگ

دیکھیے اب آئنہ خانے کسے آواز دیں

دور تک امید کی کوئی کرن باقی نہیں

ہو چکے اپنے بھی بیگانے کسے آواز دیں

آتے آتے میری گردن تک تو خنجر آ گیا

اب مرے قاتل خدا جانے کسے آواز دیں

ریشمی زلفوں کا سایہ تو مقدر میں نہیں

دھوپ میں جلتے ہوئے شانے کسے آواز دیں

کوئی بستی میں بشر جیسا نظر آتا نہیں

سخت الجھن میں ہیں ویرانے کسے آواز دیں

kaun dil ka dard pahchane kise awaz den

sochte rahte hain diwane kise awaz den

ik taraf andhon ki basti ik taraf patthar ke log

dekhiye ab aina khane kise awaz den

dur tak ummid ki koi kiran baqi nahin

ho chuke apne bhi begane kise awaz den

ate ate meri gardan tak to khanjar a gaya

ab mire qatil khuda jane kise awaz den

reshmi zulfon ka saya to muqaddar mein nahin

dhup mein jalte hue shane kise awaz den

koi basti mein bashar jaisa nazar ata nahin

sakht uljhan mein hain wirane kise awaz den