اپنے معصوم گناہوں کی سزا کیا مانگیں

اپنے معصوم گناہوں کی سزا کیا مانگیں

دوستو تم سے وفاؤں کا صلہ کیا مانگیں

ہاتھ دنیا ترے آگے نہ کبھی پھیلے گا

دینے والا ہے خدا تجھ سے بھلا کیا مانگیں

جان دے کر بھی نہ مل پائی کہیں بوئے وفا

ہے ہمیں خود سے گلہ تجھ سے وفا کیا مانگیں

کوئی سورج ہی نیا نکلے تو دن نکلے گا

بجھ رہے ہیں جو دیے ان سے ضیا کیا مانگیں

اس پہ تو سارے ہی دروازے ہوئے بند بشرؔ

ہاتھ اٹھائے تو ہیں سوچے ہیں دعا کیا مانگیں

apne maasum gunahon ki saza kya mangen

dosto tum se wafaon ka sila kya mangen

hath duniya tire age na kabhi phailega

dene wala hai khuda tujh se bhala kya mangen

jan de kar bhi na mil pai kahin bu-e-wafa

hai hamen khud se gila tujh se wafa kya mangen

koi suraj hi naya nikle to din niklega

bujh rahe hain jo diye un se ziya kya mangen

us pe to sare hi darwaze hue band bashar

hath uthae to hain soche hain dua kya mangen