اگر کچھ سیکھنا ہے زندگی سے

اگر کچھ سیکھنا ہے زندگی سے

چلو آغاز کر لیں آج ہی سے

بہت مجبور کر دیتی ہے دنیا

کوئی مرتا نہیں اپنی خوشی سے

ہمیں بھی خاک ہونا ہے سحر تک

لپٹ جائیں گے ہم بھی روشنی سے

ندی کی عظمتیں تسلیم لیکن

ندی ہاری ہوئی ہے تشنگی سے

بہت احسان ہے اردو زباں کا

بہت عزت ملی ہے شاعری سے

agar kuchh sikhna hai zindagi se

chalo aghaz kar len aj hi se

bahut majbur kar deti hai duniya

koi marta nahin apni khushi se

hamen bhi khak hona hai sahar tak

lipat jaenge ham bhi raushni se

nadi ki azmaten taslim lekin

nadi hari hui hai tishnagi se

bahut ehsan hai urdu zaban ka

bahut izzat mili hai shayari se