لاکھ کچھ نہ ہم کہتے بے زباں رہے ہوتے

لاکھ کچھ نہ ہم کہتے بے زباں رہے ہوتے

آپ تو بہ ہر صورت بد گماں رہے ہوتے

وہ تو رنگ لے آئی اپنے خون کی گرمی

ورنہ سارے قصے میں ہم کہاں رہے ہوتے

رات کے بھنور میں ہیں ہم چراغ کی صورت

ساتھ ساتھ ہوتے تو کہکشاں رہے ہوتے

آج اک حقیقت ہیں سر فروشیاں اپنی

ورنہ ہم تباہی کی داستاں رہے ہوتے

دھوپ ہے مسائل کی اور اک بشرؔ تنہا

کاش سر پہ رشتوں کے سائباں رہے ہوتے

lakh kuchh na ham kahte be zaban rahe hote

ap to ba har surat bad guman rahe hote

wo to rang le ai apne khun ki garmi

warna sare qisse mein ham kahan rahe hote

rat ke bhanwar mein hain ham charagh ki surat

sath sath hote to kahkashan rahe hote

aj ik haqiqat hain sar faroshiyan apni

warna ham tabahi ki dastan rahe hote

dhup hai masail ki aur ik bashar tanha

kash sar pe rishton ke saiban rahe hote