ایک مرکز پہ سمٹ آئی ہے ساری دنیا

ایک مرکز پہ سمٹ آئی ہے ساری دنیا

ہم تماشا ہیں تماشائی ہے ساری دنیا

جشن ہوگا کسی آئینہ صفت کا شاید

سنگ ہاتھوں میں اٹھا لائی ہے ساری دنیا

وہ خدا تو نہیں لیکن ہے خدا کا بندہ

جس کی آواز سے تھرائی ہے ساری دنیا

وہ بھی دنیا کے لیے چھوڑ رہا ہے مجھ کو

میں نے جس کے لیے ٹھکرائی ہے ساری دنیا

کیوں نگاہوں میں کھٹکتا ہے نظام قدرت

کیوں بغاوت پہ اتر آئی ہے ساری دنیا

موت کو دوست بنانا ہی مناسب ہے بشرؔ

زندگی کی تو تمنائی ہے ساری دنیا

ek markaz pe simat ai hai sari duniya

ham tamasha hain tamashai hai sari duniya

jashn hoga kisi aina sifat ka shayad

sang hathon mein utha lai hai sari duniya

wo khuda to nahin lekin hai khuda ka banda

jis ki awaz se tharrai hai sari duniya

wo bhi duniya ke liye chhor raha hai mujh ko

main ne jis ke liye thukrai hai sari duniya

kyun nigahon mein khatakta hai nizam-e-qudrat

kyun baghawat pe utar ai hai sari duniya

maut ko dost banana hi munasib hai bashar

zindagi ki to tamannai hai sari duniya