سر اٹھا کے مت چلئے آج کے زمانے میں

سر اٹھا کے مت چلئے آج کے زمانے میں

جان جاتی رہتی ہے حوصلہ دکھانے میں

کس سے حق طلب کیجے بے وفا زمانے میں

ہونٹھ سوکھ جاتے ہیں حال دل سنانے میں

ہاتھ کی لکیروں سے فیصلے نہیں ہوتے

عزم کا بھی حصہ ہے زندگی بنانے میں

کھو گئے کہاں میرے اعتبار کے رشتے

کس نے بو دیئے کانٹے پھول سے گھرانے میں

منزلوں کی باتیں تو خواب جیسی باتیں ہیں

عمر بیت جاتی ہے راستہ بنانے میں

اے بشرؔ مری آنکھیں جگنوؤں کی عادی تھیں

کس نے بجلیاں رکھ دیں میرے آشیانے میں

sar utha ke mat chaliye aj ke zamane mein

jan jati rahti hai hausla dikhane mein

kis se haq talab kije be wafa zamane mein

honth sukh jate hain hal-e-dil sunane mein

hath ki lakiron se faisle nahin hote

azm ka bhi hissa hai zindagi banane mein

kho gae kahan mere etibar ke rishte

kis ne bu diye kante phul se gharane mein

manzilon ki baten to khwab jaisi baten hain

umr bit jati hai rasta banane mein

ai bashar miri ankhen jugnuon ki adi thin

kis ne bijliyan rakh den mere ashiyane mein