اشکوں کے گہر یوں سر مژگاں بھی نہ تولیں

اشکوں کے گہر یوں سر مژگاں بھی نہ تولیں

ان آنکھوں سے کہہ دو کہ ابھی راز نہ کھولیں

تسکین دل و جاں کی تو نکلے کوئی صورت

اس نیزۂ مژگاں کی انی دل چبھو لیں

آنکھوں سے کریں کیا تنک آبی کی شکایت

دل ہی کے لہو سے کبھی پلکوں کو بھگو لیں

چاہت تو ہر اک بات سے ظاہر ہے اب ان کی

ہر چند زباں سے نہ کہیں منہ سے نہ بولیں

قسمت میں اگر تم سے بچھڑنا ہی لکھا ہے

اک بار تمہیں اپنے سے لپٹا کے تو رو لیں

ashkon ke guhar yun sar-e-mizhgan bhi na tolen

in ankhon se kah do ke abhi raz na kholen

taskin-e-dil-o-jan ki to nikle koi surat

is neza-e-mizhgan ki ani dil chubho len

ankhon se karen kya tunuk abi ki shikayat

dil hi ke lahu se kabhi palkon ko bhigo len

chahat to har ik bat se zahir hai ab un ki

har chand zaban se na kahin munh se na bolen

qismat mein agar tum se bichharna hi likha hai

ik bar tumhen apne se lipta ke to ro len