موج خوں سر سے گزرتی ہے گزر جانے دو
Tabassum Rizviموج خوں سر سے گزرتی ہے گزر جانے دو
کہیں یہ گردش ایام ٹھہر جانے دو
اٹھنے والی ہے کوئی دم میں ستاروں کی بساط
اور کچھ دیر کا نشہ ہے اتر جانے دو
راہ میں روک کے احوال نہ پوچھو ہم سے
ابھی باقی ہے بہت اپنا سفر جانے دو
ابھی ہنگام نہیں راہ میں دم لینے کا
ابھی یہ قافلۂ اہل نظر جانے دو
لب پہ آ آ کے رہی جاتی ہیں کتنی باتیں
ہمیں کہنا تو بہت کچھ ہے مگر جانے دو
mauj-e-khun sar se guzarti hai guzar jane do
kahin ye gardish-e-ayyam thahar jane do
uthne wali hai koi dam mein sitaron ki bisat
aur kuchh der ka nasha hai utar jane do
rah mein rok ke ahwal na puchho ham se
abhi baqi hai bahut apna safar jane do
abhi hangam nahin rah mein dam lene ka
abhi ye qafila-e-ahl-e-nazar jane do
lab pe a a ke rahi jati hain kitni baten
hamen kahna to bahut kuchh hai magar jane do