کس کی یہ سیاست ہے کس کی ہیں یہ تدبیریں

کس کی یہ سیاست ہے کس کی ہیں یہ تدبیریں

رہزنوں نے پائی ہیں رہبروں کی تقدیریں

میرے خواب وحشت کی جانے کیا ہوں تعبیریں

دار ہے نہ زنداں ہے طوق ہے نہ زنجیریں

آپ کی امانت ہیں آپ ہی مٹا دیجے

یہ نقوش الفت کے یہ وفا کی تحریریں

کہہ رہا ہے صدیوں سے تاج کا حسیں چہرہ

فن اگر مکمل ہو بولتی ہیں تصویریں

لوگ جانے کیوں اس کو کہہ رہے ہیں دیوانہ

وہ تو اپنے خوابوں کی ڈھونڈھتا ہے تعبیریں

لوٹ لیں نہ فرزانے عظمت جنوں سنبلؔ

تھک گئے ہیں دیوانے سو گئی ہیں زنجیریں

kis ki ye siyasat hai kis ki hain ye tadbiren

rahzanon ne pai hain rahbaron ki taqdiren

mere khwab wahshat ki jane kya hun taabiren

dar hai na zindan hai tauq hai na zanjiren

ap ki amanat hain ap hi mita dije

ye nuqush ulfat ke ye wafa ki tahriren

kah raha hai sadiyon se taj ka hasin chehra

fan agar mukammal ho bolti hain taswiren

log jane kyun us ko kah rahe hain diwana

wo to apne khwabon ki dhundhta hai taabiren

laut len na farzane azmat junun sumbul

thak gae hain diwane so gai hain zanjiren