یہ مانا تم ہو زمانے کے با کمالوں میں

یہ مانا تم ہو زمانے کے با کمالوں میں

تو ہم بھی خود کو سمجھتے ہیں بے مثالوں میں

وفا کا نام نہیں شہر کے غزالوں میں

ملے گا زہر یہاں مد بھرے پیالوں میں

مہک اٹھا ہے مری آرزو کا شیش محل

یہ کون آ کے بسا ہے مرے خیالوں میں

ہمارے پاس تھا ہر بات کا جواب مگر

الجھ کے رہ گئے ہم آپ کے سوالوں میں

ہم ان کے ہنسنے کا انداز کیا کہیں سنبلؔ

کہ جیسے دور بجیں گھنٹیاں شوالوں میں

ye mana tum ho zamane ke ba kamalon mein

to ham bhi khud ko samajhte hain be misalon mein

wafa ka nam nahin shahr ke ghazalon mein

milega zahr yahan mad bhare pyalon mein

mahak utha hai miri arzu ka shish mahal

ye kaun a ke basa hai mire khayalon mein

hamare pas tha har bat ka jawab magar

ulajh ke rah gae ham ap ke sawalon mein

ham un ke hansne ka andaz kya kahen sumbul

ke jaise dur bajen ghantiyan shawwalon mein