بنتی نہیں بات تو پھر بات کیا کریں

بنتی نہیں بات تو پھر بات کیا کریں

بگڑے ہوئے ہیں شہر کے حالات کیا کریں

آتی نہیں گرفت میں سانسوں کی ڈوریاں

ہیں گردش مدام میں دن رات کیا کریں

لفظوں کی ایک فوج ہے اپنی کمان میں

منہ میں نہیں زباں تو مقالات کیا کریں

ٹوٹا تعلقات کا ہر ایک سلسلہ

ٹھنڈے پڑے ہیں وصل کے جذبات کیا کریں

اے دوست چارہ سازیٔ چارہ گراں نہ پوچھ

بد تر ہوئے ہیں اور بھی حالات کیا کریں

عیش و طرب کی محفلیں ان کا نصیب ہیں

ہم کو ملے ہیں درد کے نغمات کیا کریں

banti nahin bat to phir bat kya karen

bigre hue hain shahr ke halat kya karen

ati nahin giraft mein sanson ki doriyan

hain gardish-e-mudam mein din rat kya karen

lafzon ki ek fauj hai apni kaman mein

munh mein nahin zaban to maqalat kya karen

tuta taalluqat ka har ek silsila

thande pare hain wasl ke jazbat kya karen

ai dost chara sazi-e-chara giran na puchh

bad tar hue hain aur bhi halat kya karen

aish-o-tarab ki mahfilen un ka nasib hain

ham ko mile hain dard ke naghmat kya karen