دل میں زخموں کی نئی فصل اگانے نکلے

دل میں زخموں کی نئی فصل اگانے نکلے

درد کے پھول بیاباں میں کھلانے نکلے

ہر عمارت پہ نئے سال کا کتبہ دیکھا

پہنچے نزدیک تو آثار پرانے نکلے

پہلے ہر در پہ رکھے شعلہ بیانی کے دیے

جل اٹھا شہر تو پھر آگ بجھانے نکلے

چاند جب روٹھ کے رخصت ہوا بام و در سے

لوگ تپتے ہوئے سورج کو منانے نکلے

ہر قدم تلخیٔ تعبیر کے پتھر برسے

خواب زاروں کو کبھی ہم جو سجانے نکلے

دل نے جب قید تعلق سے رہائی مانگی

قربتوں کے لیے کچھ اور بہانے نکلے

dil mein zakhmon ki nai fasl ugane nikle

dard ke phul bayaban mein khilane nikle

har imarat pe nae sal ka katba dekha

pahunche nazdik to asar purane nikle

pahle har dar pe rakhe shola bayani ke diye

jal utha shahr to phir ag bujhane nikle

chand jab ruth ke rukhsat hua bam-o-dar se

log tapte hue suraj ko manane nikle

har qadam talkhi-e-taabir ke patthar barse

khwab zaron ko kabhi ham jo sajane nikle

dil ne jab qaid-e-taalluq se rihai mangi

qurbaton ke liye kuchh aur bahane nikle