کون ایسا ہے یہاں دل سے مجھے یاد کرے

کون ایسا ہے یہاں دل سے مجھے یاد کرے

وقت تھوڑا سا مرے واسطے برباد کرے

ہو گئیں بستیاں ویران یہاں پل بھر میں

کوئی تو آئے جو پھر سے انہیں آباد کرے

پا بہ زنجیر کوئی دار پہ منصور نہیں

حق کی باتوں پہ بھلا کون یہاں صاد کرے

کیسا پندار ہے دل قید ہیں خوشیاں جس میں

ان پرندوں کو ہی آزاد یہ صیاد کرے

مردہ جسموں میں مقید ہیں تڑپتی روحیں

کوئی زندان نہاں سے انہیں آزاد کرے

جس کی بنیاد محبت کی ہو ضامن سنبلؔ

ایسا اک شہر یہاں کوئی تو آباد کرے

kaun aisa hai yahan dil se mujhe yad kare

waqt thora sa mire waste barbad kare

ho gain bastiyan wiran yahan pal bhar mein

koi to ae jo phir se unhen abad kare

pa ba zanjir koi dar pe mansur nahin

haq ki baton pe bhala kaun yahan sad kare

kaisa pindar hai dil qaid hain khushiyan jis mein

in parindon ko hi azad ye sayyad kare

murda jismon mein muqayyad hain tarapti ruhen

koi zindan-e-nihan se unhen azad kare

jis ki buniyad mohabbat ki ho zamin sumbul

aisa ik shahr yahan koi to abad kare