فلک کی رہنمائی دے رہے ہیں

فلک کی رہنمائی دے رہے ہیں

پرندے کو رہائی دے رہے ہیں

سمجھ لو پائی پائی دے رہے ہیں

تمہیں ہم حرف ڈھائی دے رہے ہیں

نہ جانے کون سی خلوت میں ہیں ہم

ہمیں کو ہم سنائی دے رہے ہیں

بجھی ہے پیاس تو تم چاند دیکھو

ہمیں بادل دکھائی دے رہے ہیں

وہ غلطی جو کبھی کی ہی نہیں ہے

ہم اس کی بھی صفائی دے رہے ہیں

falak ki rahnumai de rahe hain

parinde ko rihai de rahe hain

samajh lo pai pai de rahe hain

tumhen ham harf dhai de rahe hain

na jane kaun si khalwat mein hain ham

hamen ko ham sunai de rahe hain

bujhi hai pyas to tum chand dekho

hamen badal dikhai de rahe hain

wo ghalati jo kabhi ki hi nahin hai

ham us ki bhi safai de rahe hain