دیار یاد میں لانی پڑی تری تصویر

دیار یاد میں لانی پڑی تری تصویر

پھر آنسوؤں سے بنانی پڑی تری تصویر

یہ بات اور بنائی تھی چھاؤں میں لیکن

شدید دھوپ میں لانی پڑی تری تصویر

بس ایک پل کے چڑھانے کے لطف کی خاطر

ذرا بری سی بنانی پڑی تری تصویر

جو کپکپاتے ہوئے ہاتھ سے چھوا تجھ کو

حیا کے رنگ سے دھانی پڑی تری تصویر

وہ میرا دوست بہت خاص تھا مگر جاناں

گلا پکڑ کے چھڑانی پڑی تری تصویر

dayar yad mein lani pari tiri taswir

phir ansuon se banani pari tiri taswir

ye bat aur banai thi chhaon mein lekin

shadid dhup mein lani pari tiri taswir

bas ek pal ke charhane ke lutf ki khatir

zara buri si banani pari tiri taswir

jo kapkapate hue hath se chhua tujh ko

haya ke rang se dhani pari tiri taswir

wo mera dost bahut khas tha magar janan

gila pakar ke chhurani pari tiri taswir