پاؤں پتوں پہ دھیرے سے دھرتا ہوا

پاؤں پتوں پہ دھیرے سے دھرتا ہوا

وہ گزر جائے گا یوں ہی ڈرتا ہوا

بوجھ سورج کا سر پر اٹھانے کو ہے

ایک سایہ ندی میں اترتا ہوا

شام ساحل پہ گم صم سی بیٹھی ہوئی

اور دریا میں سونا بکھرتا ہوا

تیرے آنے کی اس کو خبر کس نے دی

ایک آشفتہ سر ہے سنورتا ہوا

دیکھتا رہ گیا اپنی پرچھائیاں

وقت گزرا ہے کتنا ٹھہرتا ہوا

paon patton pe dhire se dharta hua

wo guzar jaega yun hi darta hua

bojh suraj ka sar par uthane ko hai

ek saya nadi mein utarta hua

sham-e-sahil pe gum sum si baithi hui

aur dariya mein sona bikharta hua

tere ane ki us ko khabar kis ne di

ek ashufta sar hai sanwarta hua

dekhta rah gaya apni parchhaiyan

waqt guzra hai kitna thaharta hua