دن کے سینے پہ شام کا پتھر

دن کے سینے پہ شام کا پتھر

ایک پتھر پہ دوسرا پتھر

یہ سنا تھا کہ دیوتا ہے وہ

میرے حق ہی میں کیوں ہوا پتھر

دائرے بنتے اور مٹتے تھے

جھیل میں جب کبھی گرا پتھر

اب تو آباد ہے وہاں بستی

اب کہاں تیرے نام کا پتھر

ہو گئے منزلوں کے سب راہی

دے رہا ہے کسے صدا پتھر

سارے تارے زمیں پہ گر جاتے

زور سے میں جو پھینکتا پتھر

نام نے کام کر دکھایا ہے

سب نے دیکھا ہے تیرتا پتھر

تو اسے کیا اٹھائے گا عادلؔ

میرؔ تک سے نہ اٹھ سکا پتھر

din ke sine pe sham ka patthar

ek patthar pe dusra patthar

ye suna tha ke dewta hai wo

mere haq hi mein kyun hua patthar

daire bante aur mitte the

jhil mein jab kabhi gira patthar

ab to abad hai wahan basti

ab kahan tere nam ka patthar

ho gae manzilon ke sab rahi

de raha hai kise sada patthar

sare tare zamin pe gir jate

zor se main jo phenkta patthar

nam ne kam kar dikhaya hai

sab ne dekha hai tairta patthar

tu use kya uthaega adil

mir tak se na uth saka patthar