چاند تارے بنا کے کاغذ پر

چاند تارے بنا کے کاغذ پر

خوش ہوئے گھر سجا کے کاغذ پر

بستیاں کیوں تلاش کرتے ہیں

لوگ جنگل اگا کے کاغذ پر

جانے کیا ہم سے کہہ گیا موسم

خشک پتا گرا کے کاغذ پر

ہنستے ہنستے مٹا دیے اس نے

شہر کتنے بسا کے کاغذ پر

ہم نے چاہا کہ ہم بھی اڑ جائیں

ایک چڑیا اڑا کے کاغذ پر

لوگ ساحل تلاش کرتے ہیں

ایک دریا بہا کے کاغذ پر

ناؤ سورج کی دھوپ کا دریا

تھم گئے کیسے آ کے کاغذ پر

خواب بھی خواب ہو گئے عادلؔ

شکل و صورت دکھا کے کاغذ پر

chand tare bana ke kaghaz par

khush hue ghar saja ke kaghaz par

bastiyan kyun talash karte hain

log jangal uga ke kaghaz par

jane kya ham se kah gaya mausam

khushk patta gira ke kaghaz par

hanste hanste mita diye us ne

shahr kitne basa ke kaghaz par

ham ne chaha ke ham bhi ur jaen

ek chiriya ura ke kaghaz par

log sahil talash karte hain

ek dariya baha ke kaghaz par

nao suraj ki dhup ka dariya

tham gae kaise a ke kaghaz par

khwab bhi khwab ho gae adil

shakl-o-surat dikha ke kaghaz par