خوش فہمیوں کو غور کا یارا نہیں رہا

خوش فہمیوں کو غور کا یارا نہیں رہا

طوفاں کی زد سے دور کنارا نہیں رہا

بڑھ بڑھ کے ڈھونڈھتے ہیں پناہیں نئی نئی

فتنوں کو تیرگی کا سہارا نہیں رہا

بیتا بیاں بہائے تمنا بڑھا گئیں

نقد سکوں گنوا کے خسارا نہیں رہا

باقی تھا جس کے دم سے بھرم احتیاج کا

ہمت کو وہ کرم بھی گوارا نہیں رہا

نازاں ہے اپنی فتح پہ اس طرح موت آج

جیسے کوئی حیات کا مارا نہیں رہا

خورشید انقلاب کا آئینہ ہو تو ہو

مژگاں سے گر کے اشک ستارا نہیں رہا

یعقوبؔ لمحے لمحے سے ظاہر ہے بے رخی

ساحل نواز وقت کا دھارا نہیں رہا

khush fahmiyon ko ghaur ka yara nahin raha

tufan ki zad se dur kinara nahin raha

barh barh ke dhundhte hain panahain nai nai

fitnon ko tirgi ka sahara nahin raha

bita bayan bahae tamanna barha gain

naqd-e-sukun ganwa ke khasara nahin raha

baqi tha jis ke dam se bharam ehtiyaj ka

himmat ko wo karam bhi gawara nahin raha

nazan hai apni fath pe is tarah maut aj

jaise koi hayat ka mara nahin raha

khurshid inqilab ka aina ho to ho

mizhgan se gir ke ashk sitara nahin raha

yaaqub lamhe lamhe se zahir hai be rukhi

sahil nawaz waqt ka dhara nahin raha