Arooz is now on the App Store, for iPhone and iPad. Download →

All poetry

مرے ہر لفظ کی توقیر رہنے کے لیے ہے

Bakhsh Layalpuri (1934–2002)

مرے ہر لفظ کی توقیر رہنے کے لیے ہے

میں وہ زندہ ہوں میری تحریر رہنے کے لیے ہے

ستم گر نے جو پہنائی مرے دست طلب میں

یہ مت سمجھو کہ وہ زنجیر رہنے کے لیے ہے

مرا آئینۂ تصنیف دیتا ہے گواہی

مرا ہر نقطۂ تفسیر رہنے کے لیے ہے

رہے گا تو نہ تیرا ظلم پر روز ابد تک

ہمارے درد کی جاگیر رہنے کے لیے ہے

جسے میر نگاہوں نے کبھی دیکھا نہیں ہے

مرے دل میں وہی تصویر رہنے کے لیے ہے

سر باطل کیا دو لخت جس نے بھی جہاں میں

سلامت بس وہی شمشیر رہنے کے لیے ہے

جنون شوق تخریب جہاں مٹ کر رہے گا

مگر ہر جذبۂ تعمیر رہنے کے لیے ہے

نہ لکھا شعر کوئی اور سمجھ بیٹھے ہیں ناداں

ادب میں حربۂ تشہیر رہنے کے لیے ہے

گزر جائیں گے ہم دار فنا سے بخشؔ لیکن

ہمارے شہر کی تاثیر رہنے کے لیے ہے