امنگوں میں وہی جوش تمنا زاد باقی ہے

امنگوں میں وہی جوش تمنا زاد باقی ہے

ابھی دل میں خدا رکھے کسی کی یاد باقی ہے

سر منزل فریب رہنما کا توڑ مشکل تھا

غنیمت ہے کہ شوق مرحلہ ایجاد باقی ہے

ہنسی آتی ہے تیرے اس غرور دام داری پر

کوئی پھندا بھی ثابت آج اے صیاد باقی ہے

سحر نے آ کے چہرہ وقت کا دھویا تو کیا دھویا

فضاؤں پر غبار خاطر ناشاد باقی ہے

تباہی گھیرنے والی تھی آخر کن سفینوں کو

تہ گرداب شور ہر‌ چہ بادا باد باقی ہے

ابھی سے بندھ گئی ہچکی چمن افروز کلیوں کی

ابھی تو داستان نگہت برباد باقی ہے

زبان وقت کل سے اک نیا افسانہ چھیڑے گی

بہت تھوڑی سی یعقوبؔ آج کی روداد باقی ہے

umangon mein wahi josh-e-tamanna zad baqi hai

abhi dil mein khuda rakhe kisi ki yad baqi hai

sar-e-manzil fareb-e-rahnuma ka tor mushkil tha

ghanimat hai ke shauq-e-marhala ijad baqi hai

hansi ati hai tere is ghurur-e-dam dari par

koi phanda bhi sabit aj ai sayyad baqi hai

sahar ne a ke chehra waqt ka dhoya to kya dhoya

fazaon par ghubar-e-khatir-e-nashad baqi hai

tabahi gherne wali thi akhir kin safinon ko

tah-e-girdab shor har cha bada bad baqi hai

abhi se bandh gai hichki chaman afroz kaliyon ki

abhi to dastan-e-nighat-e-barbad baqi hai

zaban-e-waqt kal se ik naya afsana chheregi

bahut thori si yaaqub aj ki rudad baqi hai