زباں کچھ اور کہتی ہے نظر کچھ اور کہتی ہے

زباں کچھ اور کہتی ہے نظر کچھ اور کہتی ہے

بظاہر یہ توجہ چارہ گر کچھ اور کہتی ہے

زمانہ نغمہ پیرائی کا جب آئے گا آئے گا

ابھی تو شدت سوز جگر کچھ اور کہتی ہے

بھلا آپ اور اخفائے حقیقت اے معاذ اللہ

زبان خلق جھوٹی ہے اگر کچھ اور کہتی ہے

کوئی کس طرح دھوکا کھائے اس آتش بیانی کا

اداسی تیری اے شمع سحر کچھ اور کہتی ہے

اسی تشخیص پر اترا رہا تھا ایک مدت سے

مسیحا دیکھ نبض بحر و بر کچھ اور کہتی ہے

تری عظمت کا منکر تھا نہ ہوں اے رہبر کامل

اب اس کو کیا کروں میں رہ گزر کچھ اور کہتی ہے

بھرم یعقوبؔ کھلنے ہی کو ہے اب آسمانوں کا

زمیں سے گردش شمس و قمر کچھ اور کہتی ہے

zaban kuchh aur kahti hai nazar kuchh aur kahti hai

bazahir ye tawajjoh chara gar kuchh aur kahti hai

zamana naghma pairai ka jab aega aega

abhi to shiddat-e-soz-e-jigar kuchh aur kahti hai

bhala ap aur ikhfa-e-haqiqat ai maaz allah

zaban-e-khalq jhuti hai agar kuchh aur kahti hai

koi kis tarah dhoka khae is atish bayani ka

udasi teri ai sham-e-sahar kuchh aur kahti hai

isi tashkhis par utra raha tha ek muddat se

masiha dekh nabz-e-bahr-o-bar kuchh aur kahti hai

tiri azmat ka munkir tha na hun ai rahbar-e-kamil

ab us ko kya karun main rah guzar kuchh aur kahti hai

bharam yaaqub khulne hi ko hai ab asmanon ka

zamin se gardish-e-shams-o-qamar kuchh aur kahti hai