صفحۂ قرطاس پر خوش رنگ تحریریں نہیں

صفحۂ قرطاس پر خوش رنگ تحریریں نہیں

اپنے قبضے میں ابھی لفظوں کی جاگیریں نہیں

زندگی ہم نے گزاری ایک بیوہ کی طرح

خواب وہ دیکھے کہ جن کی کوئی تعبیریں نہیں

جی رہے ہیں شہر میں سب لوگ اندیشوں کے ساتھ

اک ترے ہی پاؤں میں سوچوں کی زنجیریں نہیں

اور اچھلیں گے ادب کے مسخروں کے سر یہاں

زنگ آلودہ ابھی شعروں کی شمشیریں نہیں

مانگے تانگے پر گزارہ کر رہے ہیں دوستو

زندگی کرنے کی اپنے پاس تدبیریں نہیں

چیخ کی صورت حیات نو کا اک پیغام ہیں

ہم ہوا کی لوح پر بے جان تصویریں نہیں

سر جھکا کر ظلم سہنا بھی سراسر ظلم ہے

بخش ورنہ ظلم کی کچھ اور تفسیریں نہیں

safha-e-qirtas par khush rang tahriren nahin

apne qabze mein abhi lafzon ki jagiren nahin

zindagi ham ne guzari ek bewa ki tarah

khwab wo dekhe ke jin ki koi taabiren nahin

ji rahe hain shahr mein sab log andeshon ke sath

ik tire hi paon mein sochon ki zanjiren nahin

aur uchhlenge adab ke maskharon ke sar yahan

zang aluda abhi sheron ki shamshiren nahin

mange tange par guzara kar rahe hain dosto

zindagi karne ki apne pas tadbiren nahin

chikh ki surat hayat-e-nau ka ik paigham hain

ham hawa ki lauh par be jan taswiren nahin

sar jhuka kar zulm sahna bhi sarasar zulm hai

bakhsh warna zulm ki kuchh aur tafsiren nahin