نکل پڑا ہوں میں بے کار راہ الفت میں

نکل پڑا ہوں میں بے کار راہ الفت میں

مجھے پکارتے ہیں خار راہ الفت میں

وہ لوٹ ہی تو رہا ہے ہمیں محبت سے

کوئی نہیں ہے وفادار راہ الفت میں

جہان بھر کو فقط جسم سے محبت ہے

سبھی یہاں ہیں گنہ گار راہ الفت میں

کبھی کیا ہی نہیں پیار میں نے پھر کیسے

کروں قبول ابھی ہار راہ الفت میں

کبھی کبھی مری آنکھوں میں پیار آتا ہے

میں اس قدر ہوں اداکار راہ الفت میں

مرا سکون مرا چین تب سے کھویا ہے

ہوا ہوں جب سے گرفتار راہ الفت میں

nikal para hun main be kar rah ulfat mein

mujhe pukarte hain khar-e-rah ulfat mein

wo laut hi to raha hai hamen mohabbat se

koi nahin hai wafadar rah ulfat mein

jahan bhar ko faqat jism se mohabbat hai

sabhi yahan hain gunah gar rah ulfat mein

kabhi kiya hi nahin pyar main ne phir kaise

karun qubul abhi har rah ulfat mein

kabhi kabhi miri ankhon mein pyar ata hai

main is qadar hun adakar rah ulfat mein

mira sukun mira chain tab se khoya hai

hua hun jab se giraftar rah ulfat mein