ہاں کیا کہا کہ غیر سے الفت بھی کچھ نہیں

ہاں کیا کہا کہ غیر سے الفت بھی کچھ نہیں

یہ سچ اگر ہے پھر مجھے حجت بھی کچھ نہیں

شرب مدام کی مجھے عادت بھی کچھ نہیں

اور کوئی یوں پلائے تو نفرت بھی کچھ نہیں

پھر تم سے آ کے ملتے بھی ہیں روز روز وہ

غیروں سے تم کو ربط و محبت بھی کچھ نہیں

ہونا جو تھا وہ ہو چکا جاتی تھی جاں گئی

آنے کی تیرے اب تو ضرورت بھی کچھ نہیں

دیکھا جسے حسین بس اس پر پھسل پڑے

سچ کہتے ہو کہ ایسی طبیعت بھی کچھ نہیں

ناصح نہ بک فضول چلا جا نہ منہ کھلا

تو سن لے مجھ سے تیری حقیقت بھی کچھ نہیں

ہر روز چھیڑ چھیڑ کے کچھ تذکرہ بھی ہے

اور دخت رز پہ شیخ کی نیت بھی کچھ نہیں

نالے کو صرف منہ سے نکلنے کی دیر تھی

دیکھا تو آسماں کی حقیقت بھی کچھ نہیں

تیری وجہ سے پردۂ معشوق فاش ہو

اے شہرت جنوں تجھے غیرت بھی کچھ نہیں

اتنا تو ہے کہ تجھ سے وہ کچھ خوش نہیں فہیمؔ

یوں تیرے نام سے انہیں نفرت بھی کچھ نہیں

han kya kaha ke ghair se ulfat bhi kuchh nahin

ye sach agar hai phir mujhe hujjat bhi kuchh nahin

shurb-e-mudam ki mujhe adat bhi kuchh nahin

aur koi yun pilae to nafrat bhi kuchh nahin

phir tum se a ke milte bhi hain roz roz wo

ghairon se tum ko rabt-o-mohabbat bhi kuchh nahin

hona jo tha wo ho chuka jati thi jan gai

ane ki tere ab to zarurat bhi kuchh nahin

dekha jise hasin bas us par phisal pare

sach kahte ho ke aisi tabiat bhi kuchh nahin

naseh na bik fuzul chala ja na munh khula

tu sun le mujh se teri haqiqat bhi kuchh nahin

har roz chher chher ke kuchh tazkira bhi hai

aur dukht-e-raz pe shaikh ki niyyat bhi kuchh nahin

nale ko sirf munh se nikalne ki der thi

dekha to asman ki haqiqat bhi kuchh nahin

teri wajh se parda-e-maashuq fash ho

ai shohrat-e-junun tujhe ghairat bhi kuchh nahin

itna to hai ke tujh se wo kuchh khush nahin fahim

yun tere nam se unhen nafrat bhi kuchh nahin