اس نے حال دل ناشاد نہ دیکھا نہ سنا

اس نے حال دل ناشاد نہ دیکھا نہ سنا

ایسا ظالم ستم ایجاد نہ دیکھا نہ سنا

بول اٹھے دیکھ کے وہ خانۂ ویراں میرا

کوئی ایسا تو غم آباد نہ دیکھا نہ سنا

تیرے بسمل کو تڑپنے کی اجازت بھی نہیں

میں نے تجھ سا کوئی جلاد نہ دیکھا نہ سنا

آپ کا بھی ہے عجب حال غلط کہہ اٹھے

آپ نے قصۂ فرہاد نہ دیکھا نہ سنا

میں جہاں جاتا ہوں ناصح بھی پہنچتا ہے وہیں

اس طرح کا کوئی ہم زاد نہ دیکھا نہ سنا

موسم گل میں چھڑایا ہے چمن بلبل سے

ظلم اس طرح کا صیاد نہ دیکھا نہ سنا

بے گنا لاکھوں ہی مقتل میں ہوئے ہائے شہید

تو نے کچھ بانیٔ بیداد نہ دیکھا نہ سنا

جھوٹ سچ جو ترا جی چاہے کہے جا واعظ

میں نے حال عدم آباد نہ دیکھا نہ سنا

خانۂ دل مرا ویران ہے جیسا ایسا

دوسرا خانۂ برباد نہ دیکھا نہ سنا

میں تو اندھا تھا محبت میں کسی کی لیکن

تو نے بھی اے دل ناشاد نہ دیکھا نہ سنا

حال دل اس کو سنایا ہے فہیمؔ آخر کار

میں نے تجھ سا کوئی استاد نہ دیکھا نہ سنا

us ne hal-e-dil-e-nashad na dekha na suna

aisa zalim sitam ijad na dekha na suna

bol uthe dekh ke wo khana-e-wiran mera

koi aisa to gham abad na dekha na suna

tere bismil ko tarapne ki ijazat bhi nahin

main ne tujh sa koi jallad na dekha na suna

ap ka bhi hai ajab hal ghalat kah uthe

ap ne qissa-e-farhad na dekha na suna

main jahan jata hun naseh bhi pahunchta hai wahin

is tarah ka koi ham zad na dekha na suna

mausam-e-gul mein chhuraya hai chaman bulbul se

zulm is tarah ka sayyad na dekha na suna

be gina lakhon hi maqtal mein hue hae shahid

tu ne kuchh bani-e-bedad na dekha na suna

jhut sach jo tira ji chahe kahe ja waiz

main ne hal-e-adam abad na dekha na suna

khana-e-dil mira wiran hai jaisa aisa

dusra khana-e-barbad na dekha na suna

main to andha tha mohabbat mein kisi ki lekin

tu ne bhi ai dil-e-nashad na dekha na suna

hal-e-dil us ko sunaya hai fahim akhir kar

main ne tujh sa koi ustad na dekha na suna