وہ پہلی سی چشم مروت نہیں ہے

وہ پہلی سی چشم مروت نہیں ہے

وہ اگلی سی مجھ پر عنایت نہیں ہے

الجھنے کی غیروں سے عادت نہیں ہے

کروں کیا مری ایسی فطرت نہیں ہے

جو تجھ میں بھلائی ہے وہ بھی کہوں گا

مجھے تجھ سے ناصح عداوت نہیں ہے

جفا و ستم ظلم سب کچھ ہیں تم میں

اگر ہے تو اک آدمیت نہیں ہے

بتو وعدہ کر لو ابھی خوف کیا ہے

ابھی آتی جاتی قیامت نہیں ہے

ستاتے ہیں یہ بت کچھ اس طرح جیسے

کبھی آنے والی قیامت نہیں ہے

ترے ہجر میں سر پہ کیا کچھ نہیں ہے

مصیبت نہیں ہے کہ آفت نہیں ہے

ہمیں نے تو دل سیکڑوں خوں کئے ہیں

ہمیں کو تو اس پر ندامت نہیں ہے

مجھے ہجر کا صدمہ کس شب نہیں ہے

مرے سر پہ کس روز آفت نہیں ہے

کوئی خوب رو کیا ستائے گا مجھ کو

فہیمؔ اب وہ اپنی طبیعت نہیں ہے

فہیمؔ ایسے ظالم کو دے بیٹھے دل تم

کہو کیا ہے گر یہ حماقت نہیں ہے

wo pahli si chashm-e-murawwat nahin hai

wo agli si mujh par inayat nahin hai

ulajhne ki ghairon se adat nahin hai

karun kya miri aisi fitrat nahin hai

jo tujh mein bhalai hai wo bhi kahunga

mujhe tujh se naseh adawat nahin hai

jafa-o-sitam zulm sab kuchh hain tum mein

agar hai to ik admiyyat nahin hai

buto waada kar lo abhi khauf kya hai

abhi ati jati qayamat nahin hai

satate hain ye but kuchh is tarah jaise

kabhi ane wali qayamat nahin hai

tire hijr mein sar pe kya kuchh nahin hai

musibat nahin hai ke afat nahin hai

hamen ne to dil saikron khun kiye hain

hamen ko to us par nadamat nahin hai

mujhe hijr ka sadma kis shab nahin hai

mire sar pe kis roz afat nahin hai

koi khub ru kya sataega mujh ko

fahim ab wo apni tabiat nahin hai

fahim aise zalim ko de baithe dil tum

kaho kya hai gar ye himaqat nahin hai