پڑھی گئی نہ وہ تحریر غم جبینوں سے

پڑھی گئی نہ وہ تحریر غم جبینوں سے

جو پونچھتی رہی اشکوں کو آستینوں سے

کبھی نہ دے گی سہارا شکستگی دل کی

سفر نہ کیجیے ٹوٹے ہوئے سفینوں سے

ترے خیال کی بارش میں بھیگنے کے لئے

ترس رہے ہیں اسیران دل مہینوں سے

سمجھ نہ پائیں گے یہ زاہدان سادہ دل

دلوں میں آگ بھڑکتی ہے آبگینوں سے

شکست جام مقدر کو ماننے والے

شراب کوئی ہو بنتی ہے وہ پسینوں سے

بجھے چراغ ستاروں کے دل لرز اٹھے

نگار صبح اترنے لگی ہے زینوں سے

انہیں سنبھالنے میں عمر کٹ گئی ہے فہیمؔ

ہماری سیپیاں کچھ کم نہیں نگینوں سے

parhi gai na wo tahrir gham jabinon se

jo ponchhti rahi ashkon ko astinon se

kabhi na degi sahara shikastagi dil ki

safar na kijiye tute hue safinon se

tire khayal ki barish mein bhigne ke liye

taras rahe hain asiran-e-dil mahinon se

samajh na paenge ye zahidan-e-sada dil

dilon mein ag bharakti hai abginon se

shikast-e-jam muqaddar ko manne wale

sharab koi ho banti hai wo pasinon se

bujhe charagh sitaron ke dil laraz uthe

nigar-e-subh utarne lagi hai zinon se

unhen sambhalne mein umr kat gai hai fahim

hamari sipiyan kuchh kam nahin naginon se