خیال و فکر کا صدقہ اتارتے رہئے

خیال و فکر کا صدقہ اتارتے رہئے

لہو پلا کے غزل کو سنوارتے رہئے

غرور فتح میں دشمن ضرور ڈوبے گا

ہے جیتنا تو ابھی جنگ ہارتے رہئے

نگاہ و دل سے یہ کہتی ہے آئنے کی کشش

کہیں نہ دیکھیے ہم کو نہارتے رہئے

غم و الم کی طرح دکھ بھرے دنوں جیسا

کسی بہانے ہمیں بھی گزارتے رہئے

پرانی چوٹ کی یادوں کو لے کے آنکھوں میں

جبیں پہ اور لکیریں ابھارتے رہئے

اکیلے پن سے لگے ڈر تو لازمی ہے فہیمؔ

اندھیری رات میں خود کو پکارتے رہئے

khayal-o-fikr ka sadqa utarte rahiye

lahu pila ke ghazal ko sanwarte rahiye

ghurur-e-fath mein dushman zarur dubega

hai jitna to abhi jang harte rahiye

nigah-o-dil se ye kahti hai aine ki kashish

kahin na dekhiye ham ko niharte rahiye

gham-o-alam ki tarah dukh bhare dinon jaisa

kisi bahane hamen bhi guzarte rahiye

purani chot ki yadon ko le ke ankhon mein

jabin pe aur lakiren ubharte rahiye

akele pan se lage dar to lazmi hai fahim

andheri rat mein khud ko pukarte rahiye