خود پی سکی نہ جب تو زمیں کو پلا گئی

خود پی سکی نہ جب تو زمیں کو پلا گئی

اک دودھ کے گلاس کو بلی گرا گئی

بادل دکھا کے آنکھوں میں سپنے سجا گئی

ساون کی رت بھی گاؤں کو الو بنا گئی

آئی تھی مجھ کو ڈھونڈنے سورج کی روشنی

لیکن گلی کے موڑ پہ رستہ بھلا گئی

کل صبح تھوڑی دیر مری آنکھ کیا لگی

دھوپ آ کے میرے گال پہ تھپڑ لگا گئی

بزدل ہوا کبھی نہ بتائے گی دل کی بات

کیا خوف تھا کہ میرے دلوں کو بجھا گئی

ہوتے ہی بھور گاؤں میں کہرام مچ گیا

اک نیل گائے سب کے ہرے کھیت کھا گئی

بیٹھی ہوئی تھی جھیل کنارے اداس رات

بتلائے کون کیسے یہاں تک وہ آ گئی

شوخی تو اس کی دیکھیے بازار میں فہیمؔ

جب بات کر نہ پائی تو انگلی دبا گئی

khud pi saki na jab to zamin ko pila gai

ik dudh ke gilas ko billi gira gai

badal dikha ke ankhon mein sapne saja gai

sawan ki rut bhi gaon ko ullu bana gai

ai thi mujh ko dhundne suraj ki raushni

lekin gali ke mor pe rasta bhala gai

kal subh thori der miri ankh kya lagi

dhup a ke mere gal pe thappar laga gai

buzdil hua kabhi na bataegi dil ki bat

kya khauf tha ke mere dilon ko bujha gai

hote hi bhur gaon mein kohram much gaya

ik nil gae sab ke hare khet kha gai

baithi hui thi jhil kinare udas rat

batlae kaun kaise yahan tak wo a gai

shokhi to us ki dekhiye bazar mein fahim

jab bat kar na pai to ungli daba gai