نہ پوچھ کیسے گنوائی ہیں انگلیاں ہم نے

نہ پوچھ کیسے گنوائی ہیں انگلیاں ہم نے

اک آئنے کی بٹوری ہیں کرچیاں ہم نے

ہماری تشنہ لبی کیا مٹائے گا دریا

سمندروں کی اڑا دی ہیں دھجیاں ہم نے

کھنکتی آ گئیں کس طرح رات بستر پر

چھپا کے دل میں رکھی تھیں یہ چوڑیاں ہم نے

اس آئنے میں نہ ابھرے گا اب کوئی چہرہ

تمہارے گھر کی بجھا دی ہیں بتیاں ہم نے

بچھا کے دل کے تعلق پہ برف کی چادر

نئے لحاف سے کاٹی ہیں سردیاں ہم نے

سبھی سے ہاتھ ملائے گلے سبھی سے ملے

سزائیں دو کہ بہت کی ہیں غلطیاں ہم نے

اجالے مانگنے سورج سے کون جائے فہیمؔ

کسی کے پاؤں پہ رکھیں نہ پگڑیاں ہم نے

na puchh kaise ganwai hain ungliyan ham ne

ik aine ki batori hain kirchiyan ham ne

hamari tishna labi kya mitaega dariya

samundaron ki ura di hain dhajjiyan ham ne

khanakti a gain kis tarah rat bistar par

chhupa ke dil mein rakhi thin ye chauriyan ham ne

is aine mein na ubhrega ab koi chehra

tumhare ghar ki bujha di hain battiyan ham ne

bichha ke dil ke taalluq pe barf ki chadar

nae lihaf se kati hain sardiyan ham ne

sabhi se hath milae gale sabhi se mile

sazaen do ke bahut ki hain ghalatiyan ham ne

ujale mangne suraj se kaun jae fahim

kisi ke paon pe rakhen na pagriyan ham ne